ललितपुर, असाेज २२
ललितपुरको खोकनामा सिकाली जात्रा मनाउने गरिन्छ। सिकाली चौरमा रहेको मन्दिर वरिपरि स्थानीय भेला भएर जात्रा मनाउने गर्छन् । दसैँ खोकनाबाट सुरू हुने विश्वास रहेपनि परम्परागत रूपमा यहाँ दसैँ भने मनाइँदैन ।
खोकनाबासीले विभिन्न देवीदेवताको पूजापाठ र सामूहिक भोज खाएर सिकाली जात्रा मनाउँछन् ।
खोकनावासी दशैं मनाउँदैनन् । यो दशैंभन्दा पुरानो संस्कृढति भएकाले यो जात्रा मनाएपछि दशैं मनाउन नभ्याएको खाेकनावासीले बताउँछन् ।
यो जात्रा घटस्थापनादेखि नवमीसम्म श्रीस्वस्थानी व्रतकथामा आधारित रही देवी नृत्य गरेर मनाइन्छ ।
