ललितपुर, माघ २६
गोदावरी नगरपालिका-११ चापागाउँ बुलुमा आगोले जलेर ६५ वर्षीय कान्छा महर्जनको मृत्यु भएको छ । टहरोमा बिहीबार राति आगलागी हुँदा उनको मृत्यु भएको प्रहरीले जनाएको छ ।
टहरोमा एक्लै सुतिरहेको अवस्थामा आगलागी भएको थियो। मृतक मानसिक रूपमा अस्वस्थ र धूम्रपान गर्ने भएकाले चुरोटको ठुटोबाट आगो सल्किएको हुन सक्ने प्रहरीले आशंका गरेको छ।
प्रहरीले यस सम्बन्धमा आवश्यक अनुसन्धान गरिरहेको जनाएको छ ।
आगलागीबाट टहरो समेत पूर्णरूपमा क्षति भएको छ ।